Concello de Muros

Santi, Alianza e Marisa son os anfitrións nesta visita para coñecer Muros. Tres persoas, tres lugares, que como veredes están todos conectados polo seu amor ó mar. Unha vila feita “de auga e sal”, ideal para quen quere viaxar atrás no tempo e pasear polo casco histórico dunha vila con marcado carácter mariñeiro. Cando pasees polas súas rúas , verás que non é casualidade que este Concello esté declarado Conxunto Historico-Artístico.

Unha vila que medrou sempre de cara o mar, como poderás observar pola cantidade de antigas fábricas de salazón que hai o longo da súa costa, o marisqueo ou as embarcacións de pesca de baixura que hoxe seguen a ser un dos seus principais motores económicos.

Obrigada a visita a súa Igrexa, exemplo de gotico mariñeiro, un estilo de arquitectura moi frecuente na costa galega, así como a subida a Montelouro, un monte que hai xunto o mar e que está moi presente no imaxinario colectivo dos muradáns, porque como di o refrán “se Montelouro ten touca, chuvia moita ou pouca”.

A desfrutar!

Convidadas no vídeo

• Alianza Uhía Patiño. Técnica en Xestión e Animación Cultural do Concello de Carnota - @ali.uhia
• Santiago Caamaño “Culo”. Cómico - @duominusculo
• Marisa Pedrosa Fernández. Presidenta da Asociación Fouleada de Muros - @ac.fouleada