Concello de Cabanas

Para moita xente Cabanas é un municipio que parecera ser todo praia. Para quen a coñece ben, como é o caso das nosas protagonistas, Cabanas ten unha chea de espazos por descubrir e explorar.

Lavadoiros que serven de espazos de encontro, sendas que revitalizan corpo e mente ou arquitectura relixiosa situada en paraxes de conto son tan só algún dos exemplos que nos propoñen para Cabanas. A Fraga feita mar.

Se ides con tempo, recomendamos tamén facer o seu roteiro da Costa, que sae da praia da Madalena e que finaliza nun punto no que poderedes descubrir unhas ruinas dun muiño de maré.

Se a visitades con mascota, lembrade que de 1 de xuño a 30 a parte da praia da madalena que está contra o Faro, é apta para que vo deades un chapuzón coa vosa mascota.

Tamén de grande interese os tres pazos que podedes atopar na vila. Pero se o que vos gusta e pasear e pasear durante horas, podedes xogar a perdervos polas súas rúas, na busca e procura de todos os exemplos que ten de arquitectura indiana.

Unha aventura para desfrutar coa familia!

Convidadas no vídeo

• Nieves López. Ama de casa.
• Maricruz Meizoso. Presidenta Cabanas Rural Asociación de Mulleres.
• Teresa Carbón. Ama de casa.