Somos Suseia Coop

Perspectiva Local é a nosa aposta para percorrer Galicia. Un proxecto que quixemos enmarcar dentro do turismo sostible e ético. Amosar cada municipio galego desde o punto de vista de quen mellor coñece esta terra: a súa veciñanza e o seu tecido asociativo. E facelo sempre coa finalidade de divulgar a riqueza do noso patrimonio, a importancia de coidar a contorna e de crear espazos de lecer en comunidade. Compartir coñecementos, mellorar a nosa calidade de vida!

A nosa misión como parte da economía solidaria sempre foi a de achegar as estratexias de markéting das grandes marcas ó asociacionismo, á pequena empresa, ás institucións. Apostando por tanto por tecer rede e dar visibilidade a todo ese traballo que fan outros que coma nós, queren difundir a cultura galega.
Somos Coop! Ou o que ven sendo o mesmo, cremos que a través da colaboración e o apoio mutuo podemos converter unha acción pequena e simbólica nalgo que transforme a realidade. Transformar co noso traballo o eido das comunicacións.

O que non se comunica non existe. Comuniquemos.